News in english

Nřßrsfundur FTT

Formaður FTT, Jakob Frímann Magnússon, leit yfir farinn veg og rifjaði upp það sem áunnist hefur auk þess að líta fram á veginn og setja fundarmenn inn í þær hugmyndir sem eru í gangi en í ár verður FTT 30 ára.  FTT deilir þessu afmæli t.d. með Rás 2 sem var fór í loftið 1.des 1983 og af því tilefni var Ólafi Páli Gunnarssyni afhent blóm á fundinum. Eyþór Gunnarsson, höfundur Garden Party, var sömuleiðis leystur út með blómvendi en hans ágæta útrásarlag er þrítugt í ár, rétt eins og Rás 2 og FTT.  Fálkaorðuhafinn og einn okkar ötulasti félagsmaður, Þórir Baldursson, fékk einnig forláta blómvönd í tilefni af upphefðinni af Bessastöðum.  Auk alls þessa stigu á stokk þeir Unnstein Manúel Stefánsson og Gunnar Hjálmarsson. Hinn fyrrnefndi lék þrjú lög úr eigin smiðju en doktorinn rifjaði upp skemmtilegar sögur úr sögu íslenskrar hryntónlistar og studdist við heimildavinnu sína í kringum bókina Stuð vors lands sem kom út fyrir síðustu jól.  Að öllu þessu loknu tók við almennt spjall og nefjastungur og það er óhætt að fullyrða að flestir hafi farið glaðir og hreifir heim, saddir og sælir