News in english

A­alfundur FTT er Ý H÷rpunni 2.maÝ 2012

FTT gengst m.a. fyrir tónleikaröðinni Fuglabúrinu sem eru mánaðarleg söngvaskáldakvöld sem hófust 2006 í DOMO og hafa undanfarin ár verið haldin á Rósenberg við Klapparstíg. Þá gekkst FTT fyrir alþjóðlegri söngvasmiðju í Keflavík á sl. ári, Garðveislu í Hljómskálagarði, útgáfu nótnahefta og ýmsum kynningarfundum og starfsemi annarri.

FTT er annað tveggja tónskáldafélaganna sem standa að og mynda stjórn innheimtumiðstöðvar höfunargjalda , STEFs, en STEF er síðan annar tveggja lykilaðila SAMTÓNS, ásamt innheimtumiðstöð flytjenda og útgefenda, SFH (Samtökum flytjenda og hljómplötuframleiðenda). SAMTÓNN er stofnaðili ÚTÓNS sem í dag rekur m.a. Iceland Airwaves. SAMTÓNN gengst fyrir Íslensku tónlistarverðlaununum, Degi íslenskrar tónlistar og Íslensku tónlistarsumri sem senn mun hefjast. Þá er STEF aðili að Reykjavík Loftbrú, sem árlega ferrjar á fimmta hundrað tónlistarmanna um víða veröld. FTT á aðild að Listahátíð í Reykjavík, Bandalagi íslenskra listamanna, BÍL, Listráði Hörpu, Fjölís, IHM og fleiri stofnunum er láta sig varða hagsmuni tónlistarmanna.