News in english

FrŠ­slukv÷ld ┌TËN um umbo­smennsku

 

Umboðsmaðurinn Tony Crean sem unnið hefur með Goldfrapp og Ladytron talar. Auk hans munu Mugison, Daníel Bjarnason og fleiri góðir gestir ausa úr viskubrunni sínum.

Fræðslukvöld um umboðsmennsku verður haldið þriðjudaginn 1. febrúar frá kl. 19.30-22.00 í Norræna húsinu. Fjallað verður um umboðsmennsku og ólíkar leiðir til að skipuleggja starfsframa sinn sem tónlistarmaður. Af hverju fá tónlistarmenn sér umboðsmenn? Hvað felst í starfi umboðsmanna? Getur tónlistarmaðurinn verið sinn eigin umbi?
 
Tony Crean, eigandi Midnight to Six umboðsskrifstofunnar, sem unnið hefur með sveitum á borð við Goldfrapp og Ladytron, mun flytja erindi um starf sitt og svara fyrirspurnum. Íslensku tónlistarmennirnir Mugison og Daníel Bjarnason ræða um hvernig þeir hafa þróað sinn feril innanlands og erlendis. Fleiri munu bætast í þennan hóp á næstu dögum.
 
Námskeiðsgjald er 5000 krónur og 3000 krónur fyrir félagsmenn FTT, TÍ, FÍH, FÍT og FHF. Innifalið í námskeiðsgjaldi eru námskeiðsgögn og létt hressing. Nauðsynlegt er að skrá sig fyrirfram. Skráning er hjá greta@islandsstofa.is

Nánari upplýsingar veitir Kamilla Ingibergsdóttir, kamilla@icelandmusic.is og í síma 511 4000.