News in english

FrŠ­slukv÷ld ┌TËN 9.nˇv

Fræðslukvöld ÚTÓN um styrki, sjóði og fjármögnun verður haldið þriðjudaginn 9. nóvember kl. 19.30-22.00 í Norræna húsinu. Fjallað verður um gerð umsókna, raunhæfra fjárhagsáætlana, auk fleiri atriða sem skipta máli þegar sóst er eftir styrkjum. Þátttakendur fá lista yfir helstu sjóði er standa tónlistarfólki til boða og hvernig þeir starfa; hvaða kröfur þeir gera og hvernig best er að sækja í þá fé. Auk þess verður fjallað um fjármögnunarleiðir eins og Pledge Music og Kickstarter og rætt við tónlistarfólkið Sunnu Gunnlaug djasspíanista og Guðfinn Sveinsson úr For a Minor Reflection sem hafa nýtt sér þessa leið með góðum árangri.Þá munu fulltrúar nokkurra sjóða - bæði úr einkageiranum og frá hinu opinbera - halda erindi og fjalla um hvernig starfi þeirra er háttað. Þeirra á meðal eru Signý Pálsdóttir, skrifstofustjóri menningarmála hjá Menningar- og ferðamálasviði Reykjavíkurborgar, og Eldar Ástþórsson, framkvæmdastjóri Kraums tónlistarsjóðs. 
Námskeiðsgjald er 5000 krónur og 3000 krónur fyrir félagsmenn FTT, TÍ, FÍH, FÍT og FHF. Innifalið í námskeiðsgjaldi eru námskeiðsgögn og létt hressing. Nauðsynlegt er að skrá sig fyrirfram. Skráning er hjá greta@islandsstofa.is
Nánari upplýsingar veitir Kamilla Ingibergsdóttir hjá kamilla@icelandmusic.is og í síma 511 4000.

Við þetta má bæta að ÚTÓN hefur opnað heimasíðuna www.uton.is en henni er ætlað að halda utan um fræðslu og viðburði á vegum ÚTÓN, fréttir, fróðleiksmola og fleira.