News in english

Breytt skilyr­i, fyrirkomulag og nřtt umsˇknarey­ubla­ vegna ReykjavÝk Loftbr˙

Skrifstofa menningar- og ferðamála vistar sjóðinn Reykjavík Loftbrú sem ætlað er að styðja framsækið íslenskticel tónlistarfólk til að hasla sér völl á erlendri grund og kynna í leiðinni Reykjavík sem nútímalega menningarborg. Aðilar að Reykjavík Loftbrú eru Félag íslenskra hljómlistarmanna (FÍH), Samtök tónskálda og eigenda flutningsréttar (STEF), Félag hljómplötuframleiðenda (FHF), Reykjavíkurborg og Icelandair.

Stjórn Reykjavíkur Loftbrúar samþykkti á stjórnarfundi sínum 12. janúar 2010 að framlengja starfstíma sjóðsins út árið 2010. Jafnframt voru samþykkt ný skilyrði fyrir úthlutun og breytt fyrirkomulag á útgáfu farmiða.

Helstu breytingar á skilyrðum og fyrirkomulagi eru eftirfarandi og taka gildi frá 12. janúar 2010

  • Umsóknarfrestur færist til síðasta dags hvers mánaðar og þurfa umsóknir að hafa borist fyrir miðnætti þann dag.
  • Sækja þarf um styrk til ferðar með að lágmarki 4 vikna fyrirvara, þ.e.a.s. brottfarardagur má ekki vera innan 4 vikna frá síðasta skiladegi umsókna í hverjum mánuði.
  • Stuðningur Reykjavíkur Loftbrúar er í formi farmiða sem bókaðir eru um leið og úthlutað er. Hámark fjárhæðar pr. farmiða er 80.000 kr. Sjóðurinn veitir jafnframt styrkþegum heimild til yfirvigtar allt að 50 kg. á einstakling – eða 250 kg að hámarki á verkefni sem sækja þarf sérstaklega um á vef Icelandair ef til úthlutunar kemur.
  • Styrkþegar fá staðfestingu á úthlutun í tölvupósti sem felur í sér bókun á farmiða og veflykil, sem gildir í 3 daga frá útgáfu. Hafi styrkþegi ekki gengið frá bókun og greiðslu skatta á vef Icelandair innan þess tíma fellur úthlutunin niður.
  • Styrkþegar bera sjálfir kostnað af hugsanlegri uppfærslu og/eða breytingum á miða eftir úthlutun auk þess sem greiðsla flugvallarskatta er á ábyrgð styrkþega.
  • Hámarks fjöldi fyrir hvert verkefni er 8 flugmiðar ( án skatta) fram og til baka.
  • Umsóknir skulu innihalda greinargóða lýsingu á verkefninu, upplýsingar ferðadaga, áfangastað, kennitölur og nákvæmt hlutverk hvers og eins í verkefninu.
  • Styrkþegar skulu undirrita samning þar sem kveðið er á um gagnkvæmar skyldur og skal sá samningur liggja fyrir undirritaður innan 7 daga frá úthlutunardegi.

 

Nánar á heimasíðu Reykjavíkur Loftbrú.