FTT auglýsir eftir umsóknum í Söngvasmiðju 2018 sem fer fram helgina 19.-20.maí n.k. á Eyjarslóð 7.
Mynduð verða nokkur teymi laga- og textasmiða sem með aðstoð upptökustjóra munu fullvinna og/eða semja lög til flutnings á lokuðum tónleikum þátttakenda og nánustu aðstandenda á sunnudagskvöldinu (20.maí).
Upptökustjórarnir eru:
Arnar Guðjónsson
Birgir Hilmarsson
Guðmundur Óskar Guðmundsson
Berndsen
Vignir Snær Vigfússon
Þorvaldur Þór Þorvaldsson
Á Eyjarslóð 7 fer fram gróskumikil starfsemi og þar er fjöldi vinnustofa íslenskra tónlistarmanna og kjöraðstæður til að skapa góða tónlist.
Sett verða saman 6 teymi fyrir hvorn dag sem vinna saman frá 10-17 við tónlistarsköpun .
Þáttökugjald er 10.000 kr. pr. dag og umsóknir skulu sendar á jon@ftt.is fyrir 1.maí n.k.
Valnefnd mun velja úr umsóknum og setja saman teymi höfunda.
Textahöfundar eru ekki síður hvattir til að sækja um því það er ótækt að þetta verði nú allt bara trallað út í eitt!
Spotify hefur loks látið undan og nú er hægt að fá upplýsingar um höfunda laganna hjá þessari vinsælu tónlistarveitu. Það þarf einfaldlega að hægrismella á titil lagsins og þá kemur upp valgluggi. Veljið "show credits" og þá kemur sannleikurinn í ljós.
https://news.spotify.com/us/2018/02/02/spotify-launches-new-songwriter-credits-feature/
Félag tónskálda og textahöfunda óskar félagsmönnum sínum sem og landsmönnum öllum gleðilegra jóla og farsæls komandi árs.
Dagur íslenskrar tónlistar verður haldinn hátíðlegur fimmtudaginn 7. desember. Við fögnum þessum sameiginlega fjársjóði okkar, tónlistinni, og eru útvarpsstöðvar hvattar til að leika einvörðungu íslenska tónlist þennan dag.
Klukkan 11 verður að venju útvarpað frá Hörpu þremur íslenskum lögum sem þjóðin syngur saman. Eru allir hvattir til að gera hlé á námi, vinnu eða annarri iðju og syngja með.
Lögin sem þjóðin syngur í ár eru:
Líttu sérhvert sólarlag (höf. Bragi Valdimar Skúlason)
Ef engill ég væri með vængi (höf lags Ellen Kristjánsdóttir, höf. texta Elín Eiríksdóttir)
Gefðu allt sem þú átt (höf. lags Jón Jónsson, höf. texta Einar Lövdahl)
Það er magnaður sameiningarmáttur í því að syngja saman. Textar laganna í ár vekja okkur til umhugsunar, umvefja okkur og hvetja til dáða.
Upplýsingar, myndbönd, texta, nótur og hljóma laganna sem sungin verða í ár, má finna á facebook síðu viðburðarins "Dagur íslenskrar tónlistar"
https://www.facebook.com/syngjumsaman/?fref=ts
Flytjendur laganna í útvarpsútsendingunni verða:
Líttu sérhvert sólarlag:
Sigríður Thorlacius og Valdimar Guðmundsson
Ef engill ég væri með vængi:
Elín Eyþórsdóttir
Gefðu allt sem þú átt:
Jón Jónsson
